بين كرامتك وقلبك ماذا تختار وهل هذه هي الحياة فعلا ؟

- - - -

اول شي
قالوا : من باعنا بعناه

اللي هواك أهواه..واللي نساك أنساه

الذي لا يعتبرك ربحا لا تعتبره خسارة

بجوز يكون صعب تطبيق هاللكلمات
بس اكيد مش مستحيل
لانو هدول الناس عذاب بعدهم اهون من عذاب قربهم
لانهم ببساطة . . ما قدرونا

وفعلا الذي لا يعتبرك ربحا لا تعتبره خسارة
- - -

تاني شي
الصديق وقت الضيق

ببساطة . . انا بشوف انو الصديق هو انسان
ولتصير هالعبارة ادق بنظري
المفروض نئول ( الانسانية وقت الضيق )
لانو احنا مندور على الانسانية ولما منلائيها منطلق عليها مصطلح الصديق
بس بالحئيئة الصديق كتلة انسانية
لهيك هو صديق

- - - -

اخر اشي بئول نصيحة للجميع
ما تراهنو على اشي بالحياة . . لانو ما في اشي ثابت
عشان ما تخسرو خلو احتمال الخسارة موازي لاحتمال الربح


يسلمو روزي عالطرح الي عنجد عنجد مميز
يعطيكي العافية
تحياتي الك

حبيتي مشكورة يا عمري

كلام رائع والله

اول شي مشكورة كتير على الموضوع رزان
تاني شي انتي كمان مشكورة كتير مس عنوني على آراءك
بس برضو انا كمان بحقلي احكي رأيي :
من باعنا بعناه
ما في حد ببيع التاني الا اذا كان مش منيح معو او فيه غلط او غدر صديقو وهيك بينطبق المثل صح
وما بعرف كيف الواحد بوثق انو عندو صديق واخر شي ببيعو يعني من الاول كيف بوثق فيه وبيتصادقو اذا ممكن بيوم يبيعو
وما بدي احكي كتير غير شي واحد
انا عندي كرامتي فوق كل الدنيا
حتى فوق اللي خلفوني فوق كل صحابي
بحرق قلبي من شان كرامتي
اذا شعرت بس مجرد شعور حتى لو كان خاطأ انو في حد بدو يمس كرامتي مس حتى لو بالمزح والله العظيم بحرقو بقيم قيامتو
حتى لو كان اخوي او ابوي او صديقي او صديقتي حتى لو حبيبتي او زوجتي
عندي الحياة = الكرامة والشرف وبس
مشكورة روز عالموضوع

وانا كمان بحترم رأيك اكيد

وبوافئك الراي كمان

لانو فعلا ائرب الناس ما بكونو ائرب الناس ازا توقعنا منهم الخيانة

وبالنسبة للكرامة
انا بئول الي ما عندو كرامة ما عندو شي . . عشان هيك العيشة تحت التراب اشرفلو

مشكور M!sS_3nOonyبس لو الخط اكبر اشوي كان اعرفت اقرأ
بس المهم مشكورة على الموضوع الجميل